Lo 10 de julh de 1875, un aigat de Garona, en amont de Tolosa, emportèt totes los ponts, englandèt
dins los 2000 ostals, afrabèt lo campèstre, faguèt perir tot un fum de bestial, neguèt 700 personas,
faguèt 20 000 sinistrats, espaventèt tota una vila jos la menaça del tifus... A l’ocasion dels grands
aigats de 1999 que tornèron afrabar lo nòstre Miègjorn, e a la demanda del sénher Hans STROH, lo
professor alemand qu’ensenha l’occitan a Münich, avèm cregut bon de far revirar en occitan per
Cantalausa l’estupendosa novèla d’Émile Zola sus l’aigat de Garona de 1875.