DICCIONARI GENERAL OCCITAN de Cantalausa

pruseta :

gatilha / cotiga / cossèrga.

prusièira / prusiment / prusina / prusiquet /prusitge :

prusor / picasor leugièira ; enveja de se gratar.

prusir (v. intr.) :

escòire / formiguejar.

prusir (se) :

sentir una prusor.

psalfèri :

ensemble dels cantaires d’una glèisa ; escòla de musica vocala d’una glèisa.

psalm :

cantic, pregaria de lausenja de Dieu. (R. IV, 662)

psalmejar (v. tr.) :

recitar o cantar de psalms sens inflexion de votz ; debitar d’un biais monotòn.

psalmista :

autor de psalms. (R. IV, 662)

psalmodia :

cant de psalms . (R. IV, 662)

psaltèri :

recuèlh de psalms qu’an dins los 3000 ans.(R. IV, 663)

PSEUDO- :

prefix que s’ajusta als substantius e que vòl dire fals.

pseudonim :

nom d’emprunt / fals nom.

pseudomòrf, -a :

que pren la forma de q.q. mai.

pseudomorfisme :

estat de çò pseudomòrf.

pseudopòde :

prolongacion del protoplasma que permet als protozoaris e als leucocits de se desplaçar.
La forma «pseudo-» dona una sensfin d’autres mots.

PSIC- :

forma prefixada del grèc psykhê (èime)

psicalgia :

neuralgia psicopatica (mentala).

psicanalisar (v. tr.) :

sometre q.q. a la psicanalisi.

psicanalisi :

metòde d’investigacion psicologica basat sus l’analisi de las tendéncias afectivas reprimidas.

psicanalista :

especialista (m. e f.) de psicanalisi.

psicanalitic, -a :

relatiu, -iva a la psicanalisi.

psicastenia :

anequeliment mental.

PSICO- :

v. PSIC-

psicoactiu, -iva :

qualitat d’una substància farmaceutica que son activitat ajuda las fonccions mentalas e afectivas.

psicoanaleptic, -a :

qualitat d’una substancia estimulairitz.

psicobiologia :

estudi de las relacions entre los fenomèns psiquics e los somatics.

psicocirurgia :

cirurgia de las perturbacions mentalas.

psicocritica :

critica literària psicanalitica.

psicodelic, -a :

doblet de psiquedelic, -a.

psicodependéncia :

farmacodependéncia.

psicodiagnostic :

metòde d’examen mental basat sus l’interpretacion d’images creats a l’azard en espotissent de tacas de tintas, per estimar l’intelligéncia, l’atencion,
la memòria e mai que mai l’afectivitat d’un malaut.

psicodisleptic, -a (adj. e subs.) :

qu’amòda de perturbacions mentalas ; remèdi aital.



Augmentez votre trafic avec Banchange