DICCIONARI GENERAL OCCITAN de Cantalausa

palholada :

accion de sonhar una femna en jasilhas ;
feston de batejalhas ; palhas achiquetadas / festucs.

palholaire, -a :

persona que pesca amb una palhòla.

palholar (v. tr.) :

far la sòla (lo ponde / lo plancat) d’un naviri.

palhon :

botelha granda cobèrta de palha trenada ; palha menuda ; brandon de palha ; manat de palha per selhonar o reservar un camp ; mena de peis (Mugil cephalus)

palhonar (v. tr.) :

selhonar amb de palha un camp de semenar ; se reservar un camp amb un manat de palha.

palhós, -osa :

cobèrt de palha.

palhosa :

palhassa granda.

palhoset :

palhassa pichona.

palhossàs :

montet de palha vièlha mièja-confida (poirida)

palhum :

brisum de palha ; palhat de bestial.

palhurgam :

bargum (filassa de lin o de cambe).

palhurgat :

brisum de palha, d’espigas ; crivelum.

palhús / palhusses :

brisum de palha.

palhut, -uda :

qu’a de brava palha.
Froment palhut. Civada palhuda.

pali :

subrecèl / baldaquin (de l’it. baldaquino).

PALI- :

forma pefixada del grèc palin (tornarmai)
v. palicinesia - palilalia - paligrafia.

paliacion :

substitucion per excusar o amagar una fauta ; remèdi qu’amaga una malautiá sens la garir. (R. IV, 402)

paliar (v. tr.) :

portar remèdi a quicòm, mas d’un biais provisòri e garrèl. (R. IV, 402)

paliatiu, -iva :

(adj. e subs.) : provisòri,-a e garrèl, -a ; solucion provisòria e garrèla. (R. IV, 402)

palica :

paissèl (pal de sosten per la vinha, per d’arbres...)

palicar (v. tr.) :

espintar un paissèl de sosten.

palicinesia :

repeticion espontanèa e involontària del meteis gèst, del meteis movement.

palièira :

barratge fach amb de pals.

paligrafia :

repeticion abituala, dins un escrich, de la meteissa idèa, del meteis mot, de la meteissa expression.

palilalia :

repeticion patologica, dins lo parlar, del meteis mot, de la meteissa frasa.

paligòt :

pal de sosten / tutor.

PALIN- / PALIM- :

v. PALI-

palinfrasia :

quequejadís.

palingenèsi (f.) :

evolucion regressiva d’una ròca metamorfica.

palimpsèst :

manuscrit sus un pargamin utilizat dos còps.

palinassa (plt) :

(Scirpus silvaticus)

palindròm :

mot, vèrs, frasa que se pòdon legir d’esquèrra a drecha coma de drecha a esquèrra.



Augmentez votre trafic avec Banchange