DICCIONARI GENERAL OCCITAN de Cantalausa

obstructiu, -iva :

que fa obstruccion.

obstruïr (v. tr.) :

tampar quicòm complètament (t. a.) ;
entrepachar / far obstacle (t. a.)
Obstruïr una canal, un camin...
Obstruïr una discussion parlamentària.

obstruïr (s’) :

se tampar. Un toat finís que s’obstruís.

obtemperar (v. tr.) :

se sometre a un òrdre, a una decision.

obtencion :

accion d’obténer. Obtencion d’un brevet.

obténer / obtenir (v. tr.) :

capitar d’aver çò demandat, çò desirat, çò meritat ; produire quicòm.
Obténer una promocion, una augmentacion.
Obténer de brava vianda dins son òrt.

obturacion :

accion o resulta d’obturar o de s’obturar.

obturador, -airitz (adj. e subs.) :

qu’obtura quicòm ; çò qu’obtura quicòm.
L’obturador d’un aparelh fotografic.
Una sorra obturairitz dels canèls.

obturar (v. tr.) :

tapar, tampar una obertura.
Obturar una dent : plombar una dent.

obtús, -usa :

qu’es pas agut, -uda (ponchut, -uda) ; qu’es pas brica intelligent, -a. Angle obtús. Esperit obtús.

obtusament :

d’un biais obtús.

obús :

carga explosiva per far la guèrra.

obusièr : mena de canon lèumens cort.
òbvi, òbvia (tèrme teologic o filosofic) :

evident, -a / de bon comprene. Lo sens òbvi d’un tèxt.

obviar (v. intr.) :

far obstacle a.
òbviament : evidentament ; d’un biais òbvi.

obvietat :

qualitat de çò òbvi.

òc :

particula de l’afirmacion prononciada ò (…)

òca (plt.) :

lòca (l.p.) (Carlina cynara)

ocarina (de l’it. ocarina, auca pichona) :

instrument de musica.

òc-ben (,… p ’pe)

forma pus deferenta que lo simple òc cortet.

òc-òc-ben (,… c … ’p e) :

forma d’insisténcia en lòc de òc o de òc-ben.
òc-òc-ben ! (,… c … ’pe)forma de dobte un bocin trufaire.
Òc-òc-ben, quand las polas pissaràn ! (l.p.)

ocasion :

oportunitat ; quicòm qu’es pas nòu e que se crompa de rencontre , de segonda man.
Aquel fusil lo crompèri d’ocasion. ocasional, -a : qu’arriba per azard.

ocasionalament :

d’un biais ocasional ; per azard.

ocasionar (v. tr.) :

èsser l’ocasion de quicòm.

occident :

ponent / oèst (airal que lo solelh i se colca).

occident :

païses d’Euròpa a l’oèst del continent ; civilizacion d’aqueles païses.

occidental, -a :

situat, -a a l’oèst ; relatiu, -iva a l’oèst.

occidentalizacion :

accion o resulta d’occidentalizar o de s’...

occidentalizar (v. tr.) :

transformar quicòm o q.q. d’après la civilizacion occidentala.

occidentalizar (s’) :

venir de mai en mai occidental.

occipital, -a :

relatiu, -iva a l’occiput.

OCCIPITO- :

forma prefixada que marca relacion o connexion amb l’occiput e que servís a formar de t. tecn. med.

occiput :

copet / nuca. (R. II, 329)



Augmentez votre trafic avec Banchange